Gero eta konplexuagoa eta aldakorragoa den mundu honetan, Euskadi inflexio-puntu batean dago, bere etorkizun ekonomikoa, soziala eta ingurumenekoa moldatuko duten erronka esanguratsuei aurre eginez. Erronka horiek ez dira isolatuak, elkarri sakon lotuak baizik, eta eskualdeko lehiakortasunari zein gizarte-kohesioari eragiten diete.
Hiru testuinguru-aldaketa handi daude, modu globalean eragiten dutenak eta ziurgabetasun-ingurune bat sortzen dutenak, euskal enpresen erabakietan eta lehiakortasunean eragin handia dutenak.
Merkatu globalak eta lurraldetasuna
Globalizazioak sakonki eraldatu ditu merkatuak, baina, era berean, areagotu egin du botere-kontzentrazioa korporazio multinazional handien eskuetan. Euskal Autonomia Erkidegoan, fenomeno hori presio nabarmena eragiten ari da ETEen eta enpresa kooperatiboen gainean, zeinak lehiakor mantentzeko borrokatzen ari baitira, eskalako ekonomiekin eta baliabide globaletarako sarbidearekin osatutako konglomeratuak nagusi diren ingurune batean.
Ziurgabetasun geopolitikoa
Nazioartean gatazka armatuak, merkataritza-tentsioak eta energia-krisiak daude. Ziurgabetasun geopolitiko horrek zuzenean eragiten dio euskal ekonomiari, lehengaietarako eta energiarako hornidura kate globalen mende baitago.
Kontserbadurismora itzulera
Politika protekzionistak eta balio kontserbadoreak eremu globalean berpizteak nazioarteko lankidetzarako eta berrikuntza sozialerako hain mesedegarria ez den ingurune bat sortzen ari da. Fenomeno horrek gizarte inklusiboagoetarako aurrerapena geldotzeaz gain, eredu ekonomiko eta politiko iraunkorragoak hartzeko aukerak ere mugatzen ditu.
Koop2024: lau saio, zazpi erronka
Euskal kooperatibismoaren etorkizunari eta aurrean dituen erronkei buruz eztabaidatzeko, KOOPERATIBEN KONTSEILUAk KOOP2024 eztabaida foroa antolatu du.
KOOP2040ek lau saio izango ditu. Lehenengoa joan den otsailaren 4an egin zen, Arantzazulaben. Berrogeita hamar bat kooperatibistek parte hartu zuten, eta Agustin Markaide Eroskiko presidente ohiak eta Julia Shershneva Ikuspegi Immigrazioaren Euskal Behatokiko kideak parte hartu zuten.
Lau foroetako bakoitzean eztabaidatu beharreko erronkak honako hauek dira:
- Gizarte berria: aniztasuna eta migrazioa Euskadin, eta biztanleriaren zahartzea Euskadin (otsailak 4). Ikusi saio horren argazkiak.
- Gizarte berria: talentu eskasia eta balio sozial berriak, lanerako portaera desberdinekin (martxoak 11)
- Etorkizun hurbilerako erronkak: Digitalizazioa eta AA; Jasangarritasuna eta Energia eta Etxebizitza (apirilaren 2an).
- Ondorioak (maiatzaren 20an).
